Міжнародная арганізацыя працы не мае права выконваць палітычныя заказы асобных дзяржаў
Аб гэтым заявіў старшыня Федэрацыі прафсаюзаў Беларусі Юрый Сянько, выступаючы на Камітэце па прымяненні стандартаў Міжнароднай канферэнцыі працы МАП.
Як падкрэсліў лідэр нацыянальнага прафцэнтра, Федэрацыя прафсаюзаў Беларусі – гэта 15 членскіх арганізацый, якія аб’ядноўваюць 24 тысячы першасных прафсаюзных арганізацый. Ад імя работнікаў пярвічнымі прафсаюзнымі арганізацыямі ўжо заключана каля 18 тысяч калектыўных дагавораў. І менавіта па ініцыятыве прафсаюзаў у гэтыя лакальныя нарматыўныя прававыя акты ўключаны нормы, якія даюць работнікам розныя гарантыі і бонусы звыш таго, што ўстаноўлена Працоўным кодэксам. Гэта дадатковыя водпускі, матэрыяльныя выплаты і кампенсацыі, гарантыі прадаўжэння працоўных адносін, спецыяльныя меры падтрымкі для найбольш уразлівых катэгорый работнікаў – моладзі, людзей пажылога ўзросту. Наймальнікі абавязаны і выконваюць усе прапісаныя ў калектыўных дагаворах нормы.
Эфектыўна працуе ў краіне і сістэма грамадскага кантролю. Толькі за мінулы год па патрабаванні прафсаюзаў наймальнікі ліквідавалі каля 48 тысяч парушэнняў заканадаўства аб працы. Акрамя таго, выпраўлена больш за 50 тысяч парушэнняў норм аховы працы. Па патрабаванні прафсаюзаў наймальнікі дадаткова, звыш устаноўленых кампенсацый па заканадаўстве, выплацілі работнікам, якія атрымалі траўму на вытворчасці, больш за 1 мільён долараў у эквіваленце.
У мінулым годзе на 111-й сесіі Міжнароднай канферэнцыі працы ў дачыненні да Беларусі абсалютна несправядліва быў ужыты 33-і артыкул Статута МАП.
Юры Сянько звярнуў увагу на той факт, што, на жаль, МАП не прыняла да ўвагі ўсе дакументальна пацверджаныя факты аб сітуацыі ў нашай краіне. І нагадаў, што больш за 1 мільён 300 тысяч працоўных Беларусі ў адкрытым лісце звярнуліся да МАП і выказалі адназначную пазіцыю аб недапушчэнні ціску на работнікаў і прадпрыемствы Беларусі. Гэтае ж меркаванне адлюстравана і ў 30-гадзінным відэароліку, у якім тысячы працоўных беларусаў выказаліся супраць рознага роду абмежаванняў.
Ніякай рэакцыі на гэтыя калектыўныя звароты з боку МАП не было. І сёння арганізацыя працягвае ісці на повадзе ў тых, хто спрабуе нанесці шкоду працоўным нашай краіны, іх сем’ям, дзецям. Усё гэта зыходзіць ад тых дзяржаў, якія вось ужо чацвёрты год прымяняюць да Беларусі незаконныя санкцыі. Менавіта прадстаўнікі гэтых краін летась настаялі на тым, каб уцягнуць у гэтыя незаконныя дзеянні, накіраваныя супраць працоўных, і Міжнародную арганізацыю працы.
– І мы бачылі, як вытанчана яны дзейнічалі. Як свядома замоўчвалася інфармацыя аб тым, што прадстаўнікі шэрага дзяржаў не падтрымліваюць гэтыя дзеянні. Як рабіліся спробы прымусіць замаўчаць нас – прафсаюзы Беларусі, таму што мы адкрыта і гучна выступалі супраць гэтых незаконных мер, – нагадаў усім удзельнікам паседжання лідэр ФПБ. – Давайце казаць прама. Сёння прадстаўнікі шэрагу заходніх дзяржаў, па сутнасці, ставяць дзяржавы, якія развіваюцца перад выбарам: або падтрымаць іх пазіцыю, або стаць чарговым аб’ектам нападак і цкавання. Тыя прафсаюзы, якія не падтрымліваюць пазіцыю Міжнароднай канферэнцыі прафсаюзаў, аўтаматычна прызнаюцца няправільнымі прафсаюзамі. Прымаецца толькі адзін пункт гледжання. Дзе тут дэмакратыя? Тыя рашэнні і тая пазіцыя, якія МАП заняла ў адносінах да Беларусі, цалкам супярэчаць асноватворнаму прынцыпу працы арганізацыі. Санкцыі і абмежаванні заўсёды ідуць на шкоду працоўным, парушаюць эканамічную ўстойлівасць, ствараюць няроўныя ўмовы, ушчамляюць правы працаўнікоў. Гэта даказана вопытам многіх дзяржаў, да якіх прымяняліся незаконныя санкцыі і абмежаванні.
Лідэр нацыянальнага прафцэнтра заклікаў усіх удзельнікаў пасяджэння заняць справядлівую пазіцыю ў адносінах да Беларусі і дзейнічаць у рамках статута Міжнароднай арганізацыі працы. І асабліва падкрэсліў, што МАП павінна абараняць інтарэсы працоўных усіх краін і не мае права выконваць палітычныя замовы асобных дзяржаў. Задача арганізацыі – прасоўваць у свеце прынцыпы сацыяльнай справядлівасці і абараняць правы людзей на працу.
Крыніца: 1prof.by.