Супрацоўнікі прадпрыемства наведалі сядзібу «Верагі»
18–19 кастрычніка першаснай прафсаюзнай арганізацыяй прадпрыемства быў арганізаваны тур выходнага дня з баўленнем часу на сядзібе «Верагі».
Сядзіба “Верагі” знаходзіцца ў 30 км ад горада Мінска. Варта дадаць, што за 500 м ад сядзібы размешчаны гарналыжны комплекс «Лагойск».
Мерапрыемствы па тымбілдынгу, арганізаваныя адміністрацыяй сядзібы, уключалі мноства розных заданняў, як актыўнага, так і пасіўнага характару.
Актыўная стадыя правядзення тура выходнага дня ўяўляла сабой праходжанне розных квэстаў, такіх як:
– Фота па запланаваным сцэнары:
- «Тытанік»;
- «Тры волаты»;
- «Адзін дома»;
– «Камандная рагатка»;
– «Камандныя лыжы»;
– Хуткамоўкі;
– «Лабірынт»;
– Корнхол
– Серсо.
Фота паводле запланаванага сцэнарыя
«Тытанік»
Асноўная ідэя задання: узнаўленне абранай удзельнікамі сцэны з фільма «Тытанік».
«Тры волаты»
Асноўная ідэя задання: узнаўленне матыву карціны Віктара Васняцова «Тры волаты».
«Адзін дома»
Асноўная ідэя задання: паказаць, чым могуць займацца людзі, знаходзячыся адны дома («пакуль ніхто не бачыць»).
«Камандная рагатка»
З’яўляецца адной з найбольш запатрабаваных забаў у вялікіх і малых кампаніях.
Гульцы былі падзелены на дзве каманды, адна з якой павінна была «страляць» у іншую. Два-тры чалавекі трымалі і стабілізавалі «рагатку», а капітан ажыццяўляў навядзенне на мэты, расцягваў гумку і рабіў «стрэл».
Каманда супернікаў у сваю чаргу павінна была адхінацца ад «снарадаў», не сыходзячы з месца.
«Камандныя лыжы»
Дадзены квэст адносіцца да спаборніцтва на хуткасць.
Кожная каманда імкнулася самай першай пераадолець дыстанцыю. Для гэтага ўдзельнікам прыйшлося ладна папрацаваць, падстроіўшыся пад тэмп руху кожнага члена каманды, г.зн. стаўшы адзіным цэлым.
«Лабірынт»
Вяровачны «лабірынт» – камандная гульня, у якой удзельнікі павінны былі разам правесці шарык праз складаны лабірынт.
Гульцы сінхронна нацягвалі вяроўкі, замацаваныя на розных яго баках, не дапушчаючы яго «сыходжання з маршруту». Калі шарык пераскокваў праз сценку, вядучыя вярталі яго на месца.
Корнхол
Корнхол – гульня, у якой гульцы кідалі мяшочкі ў адтуліну на нахільнай дошцы.
У выпадку пападання мяшочка ў адтуліну, гульцам налічваліся ачкі. У тым выпадку, калі мяшочак захрасаў, але падчапляўся мяшочкам суперніка і падаў у адтуліну, гэта лічылася за трапленне.
Серсо
Серсо – гульня, дзе гульцы кідалі абручы на надзіманыя «галінкі дрэў».
У гэтым квэсты гульцам прыйшлося сканцэнтравацца на сіле кідка: даволі часта абруч не далятаў да мэты або пералятаў яе.
Акрамя таго, на тэрыторыі сядзібы было мноства дадатковых забаў, якія не дадуць сумаваць наведвальнікам. Шмат людзей абралі папарыцца ў лазні, як адно з далейшых баўлення часу, таксама можна было згуляць у більярд альбо настольныя гульні.
У вячэрні час вядучымі быў арганізаваны прагляд дзённых фатаграфій, а таксама інтэлектуальныя гульні.
Баўленне часу на сядзібе аказалася вельмі вясёлым і напоўненым яркіх уражанняў. Кожны з гасцей у той дзень забыўся пра сваю паўсядзённую сур’ёзнасць і знайшлі магчымасць бесклапотна падурэць.