Якасць – залог паспяховага бізнесу і стварэння лепшых умоў працы для работнікаў
Старшыня Федэрацыі прафсаюзаў Беларусі Юрый Сянько наведаў кіруючую кампанію холдынгу «Беларуская гарбарна-абутковая кампанія «Марко».
На прадпрыемствах холдынгу “Марко” сёння працуюць каля 4 тыс. работнікаў. Сярод іх – высокакваліфікаваныя спецыялісты унікальнай накіраванасці.
Наймальнік са свайго боку матэрыяльна падтрымлівае работнікаў і дае персаналу дадатковыя гарантыі. У тым ліку выплачваецца матэрыяльная дапамога на аздараўленне да водпуску і значных дат, праводзіцца даплата на харчаванне ў аб’ектах грамадскага харчавання холдынгу. Для тых, хто прыйшоў на вытворчасць па размеркаванні на перыяд адаптацыі на працягу першых чатырох месяцаў, зніжана норма выпрацоўкі і назначаюцца настаўнікі.
– Прафсаюз і наймальнікі – мы кожны са свайго боку дапаўняем адзін аднаго ў пошуках рашэнняў, якія будуць карысныя для работнікаў. Важным для нас з’яўляюцца бяспечныя ўмовы працы, добры настрой чалавека, дастойная заработная плата і ўсе вынікаючыя бонусы з сацпакета, якія дае наймальнік, і калі ёсць эфектыўны калектыўны дагавор, – падкрэсліў Юрый Сянько.
Таксама старшыня ФПБ на працоўных месцах уручыў членскія білеты новым членам прафсаюзнай пярвічкі прадпрыемства.
Беларусь у 2025 годзе ўступіла ў пяцігодку якасці, таму гэтай тэме на сустрэчы таксама ўдзялілі шмат увагі. Холдынг “Марка” з’яўляецца найбуйнейшым прадпрыемствам з прыватным капіталам у прамысловым сектары краіны і займае лідзіруючыя пазіцыі ў сваёй галіне.
Высокую якасць сваёй прадукцыі прадпрыемства шмат гадоў запар пацвярджае ўзнагародамі нацыянальных і міжнародных конкурсаў. З апошніх дасягненняў – па выніках працы ў 2024 годзе брэнд “Марка” стаў лаўрэатам конкурсу “Лепшыя тавары Рэспублікі Беларусь” у дзвюх намінацыях – “Прамысловыя тавары для насельніцтва” і “За поспехі ў імпартазамяшчэнні”.
– Абсталяванне, на якім мы працуем, складанае і патрабуе высокай кваліфікацыі працоўных. Але не ўсе аперацыі сёння можна аўтаматызаваць. На 60% выкарыстоўваем ручную працу, – распавяла начальнік вытворчасці, старшыня першаснай прафсаюзнай арганізацыі Анжэла Алферонак.
Яна адзначыла, што вытворчасць цалкам уласная – ад пачатку да канца:
– Расчыні, пашыў нарыхтовак і зацяжка – гэта цалкам наша праца. Працуем мы з беларускай і расійскай сыравінай. Імкнемся і далей развівацца, быць у трэндзе і модзе, і заставацца сучаснымі. Амаль 90% асартыменту рэгулярна абнаўляецца.
Да сказанага калегай галоўны мастак холдынгу Таццяна Меншых дадала, што працэс стварэння новай мадэлі пачынаецца з натхнення.
– Наведваем разнастайныя выставы ў Італіі, Турцыі, Расійскай Федэрацыі. Там збіраем ідэі, чэрпаем натхненне. Працу над мадэлямі пачынаем з аналізу сусветных тэндэнцый. Гэта самае складанае – зрабіць зручны абутак яшчэ і прыгожым, – падкрэсліла спецыяліст.
Таццяна Меншых звярнула ўвагу, што вытворчы працэс дастаткова працаёмкі і карпатлівы. Усё пачынаецца з распрацоўкі абутковай калодкі, якая павінна паўтараць анатамічныя асаблівасці ступні, каб падчас нашэння абутку не было дыскамфорту.
Карыстаючыся выпадкам, мы пацікавіліся ў галоўнага мастака, на якія тэндэнцыі гэтай вясной раўняцца беларускім модніцам.
– Вельмі актыўна на рынак зайшлі мадэлі, выкананыя са скуры з леапардавым прынтам. Гэтая тэндэнцыя пачалася ў мінулым сезоне і застаецца актуальнай. Можна сказаць, што такая расфарбоўка ўжо становіцца класікай, – падзялілася Таццяна Меншых.
Яна дадала, што зараз на рынку з’яўляецца ўсё больш абутку з анатамічнай формай шкарпэтачнай часткі. Гэта самы свежы павеў у свеце моды.
Абутковымі прадпрыемствамі холдынгу “Марка” больш чым за 30 гадоў дзейнасці выпушчана каля 79,5 млн пар у абутку. Асартымент найшырэйшы – каля 1200 мадэляў, у тым ліку спецыяльнага абутку для розных катэгорый працоўных і служачых: будаўнікоў, пажарных, медыкаў і інш., а таксама мадэляў «вялікіх памераў» і з павялічанай паўнатой.
Акрамя забеспячэння ўнутранага рынку, асноўным вонкавым рынкам збыту прадукцыі з’яўляецца Расійская Федэрацыя. Ёсць доўгатэрміновыя адносіны з гандлёвымі партнёрамі з Казахстана і Узбекістана.
Крыніца: 1prof.by.