У Беларусі зацверджаны лагатып Года беларускай жанчыны

Па выніках правядзення тэматычнага конкурсу, які быў ініцыяваны Беларускім саюзам жанчын, выбраны лагатып Года беларускай жанчыны.

У конкурсе прынялі ўдзел больш за 100 работ, сярод якіх гэты варыянт быў прызнаны лепшым. Яго аўтарам з’яўляецца Яўгенія Пагранічная, лідэр маладзёжнага крыла Ваўкавыскага раённага Беларускага саюза жанчын.

У цэнтры кампазіцыі жаночы вобраз, які сімвалізуе сілу, пяшчотнасць і рашучасць. На лагатыпе прысутнічае нацыянальны арнамент у чырвона-зялёных танах дзяржаўнага сцяга, а таксама намаляваны васілёк, які з’яўляецца традыцыйным сімвалам Беларусі і знакам Беларускага саюза жанчын.