Супрацоўнікі прадпрыемства наведалі паркавы комплекс “Парк жывёл”

21 снежня першаснай прафсаюзнай арганізацыяй прадпрыемства быў арганізаваны тур выходнага дня з наведваннем зааландшафтнага паркавага комплексу “Парк жывёл”.

Зааландшафтны парк, размешчаны недалёка ад вёскі Глінішча, Баранавіцкага раёна, уяўляе сабой адзін з самых маштабных зааландшафтных паркавых комплексаў у Рэспубліцы Беларусь.

Падчас туру былі наведаны дзве пешаходныя тэматычныя зоны: “Казачны мір” і “Лясныя таямніцы”.

Пешаходная зона “Казачны свет”

Зона “Казачны свет” пабудавана па прынцыпе этнічнай беларускай вёскі з казачнымі матывамі. У «дрымучым лесе» можна сустрэць царства Снежнай Каралевы, хатку Бабы-ягі, хатку Лесавіка, Прастаквашына, а таксама добраўпарадкавана гаспадарка гномаў.

Хатка Бабы-Ягі

У сёлетнім навагоднім сезоне тэматычная пляцоўка з’яўляецца месцам правядзення квэст-казкі “Капібара ў снежным парку”. Падчас праходжання квэста на кожнай лакацыі наведвальнікаў сустракалі чароўныя персанажы: Чып, Бэмбі, Баба-Яга, Лесавік, Трус, Эльф.

 

Чып

 

Бэмбі

 

Баба-Яга

 

Лесавік

 

Трус

 

Грынч

 

Эльф

 

Завяршэнне казкі адбывалася ля галоўнай сцэны, дзе гасцей сустракалі Дзед Мароз, Снягурка і Капібара.

 

На тэрыторыі зоны насяляюць каля 100 відаў экзатычных жывёл з розных куткоў свету. Тут можна ўбачыць лам і альпак, фазанаў, вярблюдаў, аўстралійскіх эму, коз, авечак і іншых жывёл.

 

Ламы

 

Пугач

 

Вярблюды

 

Фазан

 

Эму

 

У цяперашнім годзе на тэрыторыі тэматычнай зоны пасялілася капібара.

 

Пры наведванні кантактных пляцовак наведвальнікі маюць магчымасць пакарміць мясцовых насельнікаў, якія да гэтага прывучаны і вельмі часта з лёгкім нахабствам “патрабуюць” пачастунак, што выклікае толькі радасць у дзяцей. Корм для жывёл можна набыць у парку і тым самым унесці свой уклад у далейшае будаўніцтва парку (будаўніцтва паркавага комплексу, у тым ліку, збудаванне дзвюх новых тэматычных зон “Сафары-парк” і “Дзікае сафары” запланавана да 2028 года).

 

Пешаходная зона “Лясныя таямніцы”

Тэматычная зона прапануе наведвальнікам шпацыр па розных вальерах са мноствам разнастайных жывёл. Тут можна пагладзіць і пакарміць з рук мясцовых жыхароў.

 

Тут можна сустрэць аленяў, казуль, ланяў, зуброў, бізонаў, свіней, коз, коней і іншых жывёл.

Алень

 

Тарпанападобны конь

 

Лань

 

Як

 

Мангаліца

 

На тэрыторыі тэматычнай зоны таксама размешчана рэзідэнцыя Дзеда Мароза, дзе кожнае дзіця, расказаўшы вершык, можа атрымаць салодкі пачастунак.