Супрацоўнікі прадпрыемства наведалі загарадны комплекс “Шышкі”

Тымбілдынг уяўляе сабой карпаратыўнае мерапрыемства, арыентаванае на згуртаванне калектыву. Часцей за ўсё, тымбілдынг заснаваны на камандных гульнях або псіхалагічных трэнінгах, закліканых садзейнічаць навучанню калектыву сумеснай працы для дасягнення адзінай мэты.

Самым папулярным відам тымбілдынгу з’яўляецца актыўны адпачынак.

26 кастрычніка першаснай прафсаюзнай арганізацыяй прадпрыемства быў арганізаваны тур выходнага дня з наведваннем загараднага комплексу “Шышкі”, уключаючы парк актыўнага адпачынку “Шышкі Парк”.

Загарадны комплекс размешчаны на беразе маляўнічага возера Лоша за 60 кіламетраў ад Мінска. На тэрыторыі комплексу размешчаны лакацыі з забаўкамі для кожнага госця.

У гэты дзень, мерапрыемствы па тымбілдынгу, арганізаваныя адміністрацыяй комплексу, уключалі мноства розных актыўнасцяў, сярод якіх нямала станоўчых эмоцый пакінуў лазертаг.

Лазертаг

Лазертаг (або, лазерны пейнтбол) – высокатэхналагічны від адпачынку, які ўяўляе сабой гульню з выкарыстаннем бяспечнай лазернай зброі і сэнсараў, якія фіксуюць трапленні.

Кожны ўдзельнік у сваё распараджэнне атрымлівае лазерную вінтоўку, якая здольна страляць інфрачырвонымі прамянямі.

На галовах удзельнікаў гульняў знаходзяцца спецыялізаваныя датчыкі, якія падаюць сігналы аб трапленні. У выпадку “забойства” зброя адключаецца, і гулец рухаецца на “базу” для далейшага “лячэння”.

Сцэнарыі гульняў у лазертагу могуць быць самымі рознымі: “Каралеўская бітва”, “Захоп кантрольнай кропкі”, “Захоп сцяга”, “Выратаванне заложнікаў”, “Супрацьстаянне зомбі” і іншыя. Існуе каля сотні разнастайных сцэнарыяў.

У мінулай гульні з самых папулярных сцэнарных планаў перавага была аддадзена “Захопу сцяга”.

Акрамя таго, тур выходнага дня ўключаў у сябе і іншыя актыўнасці, такія як:

– пнеўматычны і лучны ціры;

– інтэлектуальныя гульні (квэсты);

– скаладром.

Пнеўматычны цір

Лучны цір

Албанская вуда

Вялікі пазл

Лагічныя гульні

Скаладром

Падчас тура было арганізавана суправаджэнне ў асобе аператара гульняў, які даходліва тлумачыў правілы праходжання квэстаў на кожным этапе цімбілдынгу. Гэты момант спрыяльна паўплываў на фармаванне станоўчага ўражанні ад наведвання загараднага комплексу «Шышкі».

Наведванне загараднага комплексу “Шышкі” пакінула ў супрацоўнікаў прадпрыемства незабыўныя ўражанні. Свежае паветра хваёва-ліставога лесу, маляўнічае возера толькі падмацоўвалі адчуванне поўнага яднання з прыродай. Атмасфера была ўтульнай і прыязнай. Тымбілдынг атрымаўся.