Капітальны рамонт падземнага пешаходнага перахода па вул. Якубоўскага

Праектнымі рашэннямі капітальнага рамонту з мадэрнізацыяй падземнага пешаходнага перахода па вул. Якубоўскага ў г. Мінску было прадугледжана: будова двух наземных павільёнаў з устаноўкай пад'ёмных платформ, электрычнага абагравання лесвічных сходаў, сістэм гарачага водазабеспячэння, электрычнага ацяплення, прымусовай вентыляцыі памяшканняў; пераўладкаванне вонкавых сетак гаспадарча-пітнога вадаправода, дажджавой каналізацыі і электразабеспячэння, якія трапляюць у зону вытворчасці работ; аднаўленне элементаў добраўпарадкавання прылеглай тэрыторыі.

Клас складанасці аб'екта - К-3 (СН 3.02.07-2020).

Існуючы пешаходны падземны пераход праз вул. Якубоўскага размешчаны ў раёне будынка фізкультурна-аздараўленчага цэнтра па вул. Якубоўскага, 52 і дзіцячай інфекцыйнай бальніцы па вул. Якубоўскага, 53 на тэрыторыі Фрунзенскага адміністрацыйнага раёна г. Мінска ў зонах жылой шматкватэрнай забудовы (208 Жш) і грамадскай спецыялізаванай забудовы (213 Г2сп).

Пешаходны пераход забяспечвае пешаходную сувязь праз вул. Якубоўскага. Прылеглая тэрыторыя добраўпарадкавана і азелянена.

Рэльеф мясцовасці - спакойны, без перападаў вышынь.