Цэнтр грамадскага назірання за выбарамі пачне працу ў першы дзень датэрміновага галасавання – 21 студзеня

Прадстаўнікі найбуйнейшых грамадскіх аб’яднанняў, палітычных партый краіны зноў аб’ядноўваюць намаганні для сумеснай працы па назіранні за галасаваннем.

У цэнтры будзе акумулявацца інфармацыя ад назіральнікаў аб ходзе электаральнай кампаніі і магчымых пазаштатных сітуацыях.

Дарэчы, грамадскімі аб’яднаннямі, палітычнымі партыямі ўжо вылучана каля 30 тысяч назіральнікаў. Яны акрэдытаваны практычна на ўсіх участках у кожным рэгіёне Беларусі. Дададзім, што працэс акрэдытацыі працягнецца да 20 студзеня.

У Цэнтры грамадскага назірання адкрыюць тэлефонную “гарачую лінію”. Кожны жадаючы зможа задаць пытанне аб ходзе электаральнай кампаніі, парадку галасавання, паведаміць аб спрэчнай сітуацыі на ўчастку, унесці прапановы па нумары +375 17 371-07-76. Час працы “гарачай лініі”: у перыяд датэрміновага галасавання (аўторак – субота) з 12.00 да 19.00, у асноўны дзень галасавання (нядзеля) – з 8.00 да 20.00.

«Праца цэнтра пабудавана такім чынам, каб на кожным участку знаходзіўся наш нацыянальны назіральнік. Гэта чалавек з неабходным узроўнем падрыхтоўкі, які дакладна разумее свае абавязкі, ускладзеную на яго адказнасць. Ведае ўсе асноўныя заканадаўчыя аспекты арганізацыі працы камісій, парадак галасавання і назіранні. Аб ходзе галасавання, магчымых праблемных пытаннях нацыянальныя наглядальнікі будуць аператыўна інфармаваць цэнтр. Такая форма працы дазваляе не толькі мець аб’ектыўную інфармацыю з участкаў, але і выключае магчымасць скажэння дадзеных», – распавялі ў прэс-службе Федэрацыі прафсаюзаў.

У сваю чаргу, у аператыўным рэжыме цэнтр будзе інфармаваць СМІ і грамадскасць аб усім, што адбываецца на ўчастках.

Крыніца: 1prof.by.