Заява нацыянальных наглядальнікаў па выніках выбараў Прэзідэнта Рэспублікі Беларусь

Заява была прынятая і агучаная на выніковай прэс-канферэнцыі, якая прайшла ў Цэнтры грамадскага назірання за выбарамі.

Заява нацыянальных наглядальнікаў па выніках выбараў Прэзідэнта Рэспублікі Беларусь

27 студзеня 2025 года

Электаральная кампанія па выбарах Прэзідэнта – найважнейшая ў жыцці любой дзяржавы і фактычна вызначае далейшы грамадска-палітычны і сацыяльна-эканамічны курс краіны.

За гады незалежнасці Беларусь выбудавала сваю мадэль развіцця дзяржавы і дасягнула значных вынікаў ва ўсіх сферах.

У адпаведнасці з Канстытуцыяй Рэспублікі Беларусь народ з’яўляецца адзінай крыніцай дзяржаўнай улады. І, адпаведна, менавіта беларускі народ найперш мае права даваць ацэнку выбарчай кампаніі.

На выбарах Прэзідэнта Рэспублікі Беларусь 2025 года грамадскія арганізацыі, палітычныя партыі аб’ядналі намаганні і арганізавалі назіранне за ходам галасавання на ўсіх участках краіны.

Нацыянальнымі наглядальнікамі ўстаноўлена, што парушэнняў заканадаўства, якія маглі б паўплываць на ход электаральнай кампаніі, не зафіксавана. Выбары Прэзідэнта Рэспублікі Беларусь прайшлі ў адпаведнасці з усімі ўстаноўленымі нормамі. Былі дэмакратычнымі, адкрытымі і празрыстымі. Кожны грамадзянін меў магчымасць зрабіць свабодны і незалежны выбар.

Папярэднія вынікі выбараў Прэзідэнта Рэспублікі Беларусь, агучаныя Цэнтральнай выбарчай камісіяй, з’яўляюцца рэальным адлюстраваннем волі народа.

Мы разам – за Беларусь!

Крыніца: 1prof.by.